Nagmalampuson ang BUSECO sa paghatag sa tukmang kasayuran sa mga issue sa power bills ug mga kabag-ohan sa balayrunon sa kurente sa atubangan sa ika-16 nga Regular nga Session sa Sangguniang Bayan sa Cabanglasan.
Ang BUSECO naglantaw sa matag imbitasyon ingon niini isip usa ka oportunidad alang sa husto nga pagsabwag sa kasayuran ug kamatuoran. Ang BUSECO nagpabilin nga transparent ug matinud-anon sa serbisyo niini taliwala sa mga kritisismo nga giatubang niini ilabi na sa social media.
Ang BUSECO hugot nga nagtindog sa kamatuoran nga gipahayag niini diha sa bag-o lang nga gipagawas nga BUSECO COVID-19 ADVISORY NO. 4.
Ang BUSECO Management nagpahayag nga ang opisina sa BUSECO kanunay nga abli sa mga concerns nga may kalabutan sa balayrunon sa kurente ug kini labing mahusay ug mapatin-aw pinaagi sa husto nga pagkonsulta sa mga awtoridad sa opisina ug dili diha lamang sa social media.
